This is Belas's Typepad Profile.
Join Typepad and start following Belas's activity
Join Now!
Already a member? Sign In
Belas
Recent Activity
Tiakid a chimo ra uetech. Eak kmal loba a kot el ngar bab el sus mo omengull ma delodau el klengareou el reng e kulturk e di kdu aikal kesai el tekingek el mo ra rechetengakl el Rubekul Belau ma ikal bekl rengedel a beluu el mlo kldibel ra bai el mesaod ra tekoi ra casino. Ak kmal mo melasem el mesemechokl aikal tekingek el mo beldebades ele kemiu ea olab a medal a beluu me kom kuoll el mor sel bkul rebab ra orengodel. Ak kmal di tal soak el tekoi el ulekum meng mlo sebechemiu el lokerei er ngii er tirkal kuk bdelul a beluu er chelechal dengebard a kmo:"Ka mouchais el kmo ngera el lemeltel a tekoi ma ta besul luldasu a omoba el lolengasech aikal lududiu." Ak di omelekl er ngii eleng meral diak bolungil a cheliuek sel kulebedebek er ngii ra chelsel a bdeluk ma renguk, el sel kumelechesiu er ngak eak locha mla tmooch aikel kelel a Tucheliaur ra longelchalb ra ngeiul a beluu ra Kiueluul. Eang meral di mlo meius a chemars el mlai e kolii a cheualech el loisechel a kmal ngara betotel a rengul ma uldesuel. Mousubes er ngak el Belas a momdasu el kmo a kulseked ra dingemiu e mdu el kmo ak kultuub ak melidiich, ng bai diak le uaisei, ak bai melasem el loliisech ra dimla deremel a lidiu el uoi meketeket ra lak letaut ra kmo ng techang me te mla mo olechib a osengir er kemiu. Ak lmuut el kmo mousubes ea lak monger ealechub e molekoi el mei, e ngak a kmal di ungi besul, le sei a tochel a omengull er ngak el lekong e diak le mekimd ra di beot. Dolemolem el meius!!!
Commented Aug 11, 2009 on Open Thread LXXVI at okedyulabeluu
1 reply
Ng kmal mesaul a Santy ra ikla chais. Ng kired el mo kerekikl ra ua ikal tekoi le ika tekingir a rechad ra meklou el beluu. E ngak a kmal diak el soak a tekoi ra casino. Ng diak el chelechang! Ng kora mo uase el tekoi el medung el mora Daitorio ra lolekoi a ongesecheklel a ududir el ngii el tekoi a kmo,"Ng diak el chelechang." A kmal mui el loumerang el kmo ng kmal dirk ke sebeched el lomes a ngodech el tekoi ra omeruul el uaikel dilu a Belau Citizen er sel website ra Daitorio el milsaod a betok el tekoi ra keruul el casino a dial el belsachel el lobengkel. Ng meral sel bo de kosekes ra udoud e ke de meral kora di uai a detuchel a diak a llel e dekaititeboid el ua ses el eolt el diak de betik ra cheskiik. Ak lmuut el dulii, e lmuut, e lmuut, e lmuut.......el tekingel a Rubasech Santos Olikong,"Ng debelobment el mora rechad er ker???" 20,000 ma derengel el chad e diak desebecheklii e mesaod ra omengetmeklir a re100,000 ma derengel el chad? Sumimasen e Honto-Style, tiang mekeskelang? Ak mla mo ra Vegas-Sin City- mak mla oubakutsi. Ng mla rengii re ngak mak mlong! Ngududek el kulengerker meng techa oklak! Engdi ngodech le tia beluu ra Merikel el diak el Belau el kekerei. Ngodech ele klechad er kid a dirkak el retechii a uai sel klechad. Kom kmo te di rechad ra ngodech el beluu a oubakutsi, engdi sel mengai a chesmerlel ngii el tekoi, e ka di momes... Ng soak a debelobment, ng diak a chetil, engdi ng soak e soad a mellomes el debelobment el diak el rrechorech el reng ma rrau el reng er ngii. Me ka doius!!!
Commented Aug 10, 2009 on Open Thread LXXVI at okedyulabeluu
1 reply
Leng ua tiakid e Cheuas, ak di nguu ra omekodellel.......Tolengasech a ududir le ke le luldengei el kmo tial tekoi ra reDetainees a mo tekoi, me ke de mo ngmai aikel ludoud el kirel sei. A Compact a liluut el mo kemanget a okul el nguu tial mei el rak, me sei meng dirrek ra uchul........E locha lmuut el ngar ngii a lodengei e kid a diak dodengei, malechub e ke de mo meoud el medengei ra uriul el sils. Tirka rechad ra Merikel el di mlo rengii a tekoi el kmo te merekung, e ngii a meteboid a stiklait er tial klebokel el beluu ra Erenguul......Hhhmmmmmmmmmmm??????!!!!!!!Tiang locha urechemel aikal tekoi ra Baletiks?!?! Ng kmal diungil besul ra uldesuek a lekard el klebekelel a beluu, engdi a bantosang a mengiil ra $$ELOLEM EL TELAEL ra le sal meoud eng Ongeteruich el Kebesengil chelechal buil...Uaisei! Ea uldesuek er tirkal chad a lemei eng kmal diungil lek mui el loumerang el kmo te mlo cheldeiakl el loiak a mekngit el rolel ra le Daitorio a Bus. E sel bomonguiu el kmo ng milekera sera lomdechem e lolengakt ra rebebil er tirkal chad el mora blil a beab ra Kuantanamo eng mo mekngit a rengud le chelebirukel el lomeruul el lullab a ongasireng. Ngochotii el kmo ng betok el tekoi el mekedmokl ra ua beluu ra Merikel el kmal meklou e mesisiich el beluu a berrotel el diak a remedengei. 'Sola ea de ngititerir tirkal chad el mei e doisechii a teletelel a beltikelereng ma blekururauelreng er tir el sel diak a mo uaikid el chad re Belau, eak kumrotech el oieng er tir me kemiu elek medengei el kmo tirkal chad a klou a ngesengesir a uldesuir ma rengrir ra uai tial kmal beot el tekoi el kudengei el kmo kid el kiei ra beluu a di omelechesiu er ngii el diua omelim el ralm ra bekl sils, el mocholt ra klaukledm er kid ra bekl sils eleng teleteled el chad ra Belau ra irechar el mei rechelechang. Ea klou lureor a kmo kemiu el mengedecheduch er tirkal sechelid el mlara Merikel el mei, mouchais aikel kmal kedmekill ra chelsel a beluu el metacherbesud er ngii el di de dokngei er ngii el rokui el tekoi ra UKERUUL, SKUUL, OMENGITEL A MEKIKIONGEL, DENGKIBU, RALM, RAEL RA COMPACT, ONGESECHEKLEL A UDUDIR A RECHAD, MAIKEL ROKUI el tekoi e Jaime el bla kubes....HHhhmmmm- UUUuuuueeeeiiii!!! Komesula 'Lrokui!!
1 reply
Eng diak el ngerang e kel rubak, ak kora omdesuang el kmo ngika locha diak el uai kid(ng ngodech a kotel el renguk eng biskor ng ta er tirka el mla kiei er Belau el kuk di melai a klubelel ra rael el uoi klou a le kedeb e ngesengesonges er ngii. Ak dirk ke mengiil er tial tegami er ngii e uoi mochu bau a klengoes mak dik kmedu ea kuusubes er ngii e kuk nguu a ta ra sils. Di kungesimer el kmo, kemeral di mildasu el dmung a tekoi el lomeltkek e omeltkir e urungulir a rebetok el chad. Ng mekngit el dolekoi ele kid tia el ngar tia el chadecheduch aikang el klou a rengud e bekeu eleng diak a rechad el medengei el kmo ke de kol ua techa el chad. Engdi a rebetok el chad ra beluu, el mo lmuut ra rechad el loureor el lobengkel el teloi er ngii ra bekl sils e diua udesued. E bobecherei, ea rechedal ma rsechelil, ma beluu el cherrungel me te dirrek ra klurt a rengrir ma uldesuir. Ngika ng mengaisichai er techang??!! Me komeruul a leko ng mo ungil klengar ra rengalek ra skuul ma rechad ra beluu el loiak a ungil lomengang ma tekoi ra undo ma ngera ma ngera..........Ea chudelei, ke mla mes a longa rengalek ra Koror Elementary sel le sueleb? Te rengalek ra Harris, te rengalek ra Ngerdmau, el mo lmuut ra rengalek ra Irrai??!! Lak dungil osenged el lomes e doumeuiko er kid el kmo aika diak el uaisei er chelechang el dekeluches. Ng mo mekngit a rengum e chetengakl el daitorio!!!!! Kele mdu el kmo a rechad ra blirir a kirir el mo blak a rengrir el ngara sers el melalem a sersir e mora chei el melai a odoim ele ng di mle uchei eng dimlak dekedmeklid el mo uaisei, me chelecha kid tia el loldechelakl ra eai el sikang ra tal sils el melasem el chudelii sel cherrengelel a ududed me dolekedek a rokui el tekoi ra blai!! Eang kurebengir meng chemars e bediu ra ikal litekngel a chim el soiseb ra chelsel lousbech aikal klalo-a rengalek ra skuul- meng klsuul a molekoi aikal tekoi el di tekoi me de dmung. LAK DOUTET A TEKOI!!!!!! E lak de kora ngike el tara chetengakl el ngalek a uldesuel el kmo, a rechad a kmal lousbech er ngak ele tial kldachelbai er ngak ma kloklek el kmal lousbechall er tial beluu, meng sebechek el dmung aikel rokui el kumdasu el diak kumekereu ra uldesuel a rechad. E kmal klou tial secherel ele oumesingd ra rechad a medengelii el kmo ng kmal smecher el lousbech a ngeseu, engdi tal ngii a diak el lolechesuar meng meral chebuul. Mereko e bok rei e di dolengit me lousubes er kid el millilt er tir el mong!!!!!!!! "Belau beautiful island, Paradise Micronesia!!" by: Louis
Toggle Commented Aug 1, 2009 on COFA Trust Fund up to $130M at okedyulabeluu
1 reply
Chochoi,meng uaisei, ng diak a chad ng beluu el diak a kngtil. E tia beluu ra Merikel tara kot el mesiich el beluu ra beluulechad e kid a kmal loldubech e soad ngii ele tir ea omeskid a techel a chibnged e dirrek ra ngar ngii a telemellel. Le sera temel a Boom Boom me longoit ra chiklel a Tatengelel ra ngara mong me di demechetelaol sel kuk tal nguu a kob a reAsahi, ea remechedelkelk el chad ra Merikel a dirk ke mlo sebechir el sengkyo er ngii el beluu. E diak bo kumkais ra reksi ra kabelment er tir er sera longebuul ra remechedelkelk el kora klalo e diak el chad, e kmal mle kdekudel ra mo bedul a dimes er ngii el Chetengakl el beluu. Tirka rechad ra Siabal el merael a chisir ra beluulechad el kot ra klou a ngeseu el mora beluulechad ra omengitel a udoud el kirel a kelruul ma chelebuul el dirrek ra di dodengei a chisir ra ngara mong, ea rdelad ma rdemad me te dirrek ra kmal milsa e choremii a ringel ra le ngara skuul e lak el sebechir el mengedecheduch a tekingir, el di le merekui a skulir ra ongedei el skuul. Sei a teletelel a beluulechad, in layman's terms:"The nature of the beast", meng kuk mlo kirel. A tal chetengakl e chelimosk el Bresident ra beluulechad el kllou el chad er ngak ma uldesuek ma ringelel a bdeluk ra beluak a uchul mak mla obes ra ngklel- ma kulengit ra sechelik ra Cheuas me lengesukak a le sebechel er tiang- a kmo,"In order to have peace, there must be war", "A leborngii a budech, eng kirel morngii a mekemad", e mousubes alsekum ak dilii el kora telekib el ngodech, engdi a kumdasu eng bleketakl e di tiaikid ak delii e merekong. E kau le "meluches a diak el blulak", ke dokngei ng diak el kmo, a rechad rokui a di ngar ngii a kngterir ma delekingerir el mo lmuut ra bekl beluu ra beluulechad meng di uaisei, a rebebil a betok e meklou ra kuk bebil, ea bebil a kuk di mekesai e mekekerei ra kuk bebil. Ele alsekum kau ngike el chad el diak a kngtim, ea beluam a sel beluu el diua Babeluades, e Chudelei, tia locha Babeluades el omkiei er ngii, e kau a kelem Anghel..........Ng soak a moluches e beskak a uldesuem er tiang eleng soak el loisechau el kmo kau a...........(Sel moiisech a uldesuem ra ikal blak dung, e ngak a ouchais.) Esolang ng uase, alsekum me ko mengaisisiu er tial lolengesecheklel a ududiu el mora ua beluu ra Merikel, eng diak el sal bleketakl ra osisiu el lomeruul el mora ududir a resensei.....Ng diak ke msal mora beluu ra Merikel kau el chetengakl, di denguu ra beluu ra Saibal ma Guam el di ngara mekesekesel a debed. A ududir a resensei er tir a merael a mbesed sel dolatk e domes a kuk kerekerengir a rebebil er kid el chad ra beluu. E diak bo kusaod a ududir ra rebebil ra rechad ele ak luchesii a okrokr el novel el diua Stephen King el di mesaod a rokui el chelebirukel ma ngesengesel a ududir a rebetok el chad ra beluu.......Ea ika di modengei meng diak dekautsingau er tiang!!!! Ng kuk Belas!
Toggle Commented Jul 31, 2009 on COFA Trust Fund up to $130M at okedyulabeluu
1 reply
......E dik luut el losichii el kmo, alsekum e ngikal rubak a diak el ruul aikal ngerchelel, esolang eng ngobedobed ra dial e tir a mo osiik ra beches el mong........... .......Engdi ng tiakid, a klebokel e irechar er kid e aikal rokui el bilasech a Cheuas a klemerang, engdi chelecha eng mla mo diak el sal uaisei eleng diak el ngerang, a ochid a omibais ng kung ra klechad ra Ngebard, e dirrek ra diua ikal betok el delengerenger el ngar ngii rechelechang el di rolel a ngibesel a udoud me klisiich el mla moreked aikal mle klebokel el klechibelau er kid el tomall........ ......E ngar ngii sel hong ra Belau el loba el lolisechakl er ngii ra skuul el ngklel a "Siukang er a Belau" el sel obkisii er sel luchelel el losaod ra telekib el lomesodel ngii el hong e oureng a sulir a reua Masaharu, ma Emesiochel, ma betok el chetengakl el sensei ma rechad ra olisechakl, eng ngar ngii a ngara chelsel el kmo mekeskelii ra ikel rokui el mle teletelel a klechad er kid, ng klechibelau, ng rokui el siukang el domdasu eng ngungil el dirk ke sebeched el melemolem er tial beluulechad er chelechang a doreked, ea ikel diak, dechoit leng diak el ungil besul a doruul er chelechang......A ....A kuisechii a ta er ngii a ua Klomengelungel ra remechas el mora dersta el beluu me te mengerker ra bai ra rubai e rise el beluu. Ng tara mle telael ra klechad er kid el mla nguemed eleng dikea dousbech er ngii. Engdi a tekoi ra klebliil ma rourot ma rubak ma kldolorir, a kmal nguibes el tekoi sel de kuk nguu er ngak eleng rullak mak mekreos ra irechar er kemam el me rechelechang....... E sel kmal kotel a rokui el tekoi el lolachitnger meng kired el mo kullii e blechoel el melebedebek er ngii a kmo a irechar a suobel. Aikel mla duubech ra irechar el mle kngtil, a lak desuub e dengedechii a blekeklel a ochid el mo olekebai er kid ra osisiu el olibas ng medeluchel ra rael, e kede telemall. Engdi rebeluu sel domes ra kmal dirk kengeasek-ng diak, ak bai kmo- sel domes ra dirk kengalek el kldokurits er kid, eng sebechek el kmo kid tia re demesesibas e medudob ra ikal terchedel a rael el kmal dirk ke kedeb a bla derolii. A kumdasu ea Obechad a ngar ngii a kebtot er ngii, eleng mla mo medinges a Obechad, esolang e ke de dirk melemolem el lomka er ngii.....Tiang locha uaisei e Chad ra Ochalb?!?!?!???!!! P.S. Ea 'lii e te melekoi a ongesechel a ududir el uoi di melemiakl ng kung el lengelakl ra Roisersuul.........Ke de meral chebuul e 2 cents el dirk ke ngilasech el cheral a olbideled er sechelei....Ea Ombudsman a ouConman er ngii......Engdi ng diak knguu a ulekek el meskau e Belau me modengei e di mo mad el kirem!! BlechoelBelas
Toggle Commented Jul 30, 2009 on COFA Trust Fund up to $130M at okedyulabeluu
1 reply
Me te mocha olengasech a ududir el loba tekoi el kmo ng melemalt eleng kirel.....Ka di mesterir a rechad ra Merikel!!........ Eang kedelek er belong, a ngelekek el kmal dirk ke ngeasek meng ngoucharm er ngii el kmal chilsengir a tengetang el kahol ra bita ra ngklel e ngikakid el uaisei er kid. Ea NgirakedRaMle(ak meral di beches el lochotii a renguk el meral diak longull er kau me lak mousubes eng di ungil ele aikal lengelek e lengelam a uai a le dil ua le dimlak a Chedil ng Chedam el me loturak ele chellodak el semesemechak me lebo lungil a renguk) tiang didelboi el mora olekellam.......Kau el kmal mle chetengakl Chudelei ra chelsel a renguk ra kmal dirk cheliseb a meral mla choitak ra melengel tial betok a tochedulik er ngii el rael me ngak itia el dikea kudengei el kmo ak kol di momekerang!!??? E Cheuas, tia cheral a dengki el dirk ke silechesokl- a ngmasech a kora kmal mla mo kekerei e beot sel kumdasu er ngii- mak lmuut el chisisii, "NG MLA SUCHESOKL!!!!!!!!!!" Kau a mengboub er kau er tirkel rokui el luleldubech er kau, e ngak a ta er tir e Bresident. Eng uaisei e Santy, me ke de di melekoi aikang, e tir a di merael el mo kdekudel leng diak el ngerang, te oisech a llemesir ma ungil tekoi ra ureor el domrotech el kirel, e di keberuul el chiuertii a harbol homerang el di ongill a cheiul a Abachi meng di mo diak sel tekingel el kmo:"SIUT TO KILL" Ngdi ikaikid e ngak kurael eleng uoi meral di mle keberuul el mo meringel a bdeluk me bo kultuil e di kuureng ra Obilmeai me loldurokl a ungil longelaod el berrous me di kuba el mo tutau me kuk di kubes er ngii el di telekib. BelaurareuaTechang......Ngdikemiuekemamadiak!!!
Toggle Commented Jul 29, 2009 on COFA Trust Fund up to $130M at okedyulabeluu
1 reply
Ng klebokel el tekoi aikal mla medung e Santy ma Cheuas. Ng betok a meral sebeched el remuul ulekum me ke de mo oba tal bekall. Ak kuldubech e oieng er kemiu. Altang mo meoud, engdi a reched a eoud!!! Lak docheueklii a klechibelau er kid ma klemeriar e kldidiul a rengud el chad ra beluu, e de techelbakl ra ikrel a chelemoll el motamet ra ngemors. A isenged a meral di kmeed e diak de ngetemii.
Commented Jul 28, 2009 on Open Thread LXXV at okedyulabeluu
1 reply