HOMMAGE A LAPIRO DE MBANGA Lapiro alias Ndinga Man, Né Pierre Roger Sandjo à Mbanga. Lapiro, musicien chevronné, ne bi so ? Ouais ! Ouais ! Lapiro, Ndinga Man Numéro Un, C’est comme ça, no ? Yes ! Yes ! Tara no make erreur ! Lapiro, véritable small no bi sick, Enfant terrible de la maison, No be so ? Yes ! Yes ! En avant Tara ! Go before, go before Tara ! We day for youa back Tara ! Motion ! Motion de soutien ! Lapiro, djintete Ndinga Man Wei yi dei Mbanga, no be so ? Ouais ! Ouais ! Yi own musique na musique Pour les damnés de la terre, n’est-ce pas ? Yes ! Yes ! Lapiro, président des sauveteurs, no be so ? Ouais ! Ouais ! Yi own musique na musique For les laissés-pour-compte, non ? Biensûr ! Biensûr! Lapiro, Bête noire des fossoyeurs De la république, no be so ? Ouais ! Ouais ! Lapiro, emmerdeur politique, C’est comme ça,,non ? Yes ! Yes ! Lapiro, La voix des sans voix, no be so ? Biensûr ! Biensûr! Yi own musique na for Put shame for djintete dem head, no be so ? Oui ! Oui ! Lapiro, Trouble-fête insupportable, n’est-ce pas ? Killjoy, no be so ? Yes ! Yes ! Lapiroisme, Hymne des déshérités, no be so ? Ouais ! Ouais ! Lapiroisme, Appel de clairon pour la révolution No be so ? Biensûr ! Biensûr! Lapiroisme, Chant de libération C’est comme ca, non ? Yes ! Yes ! Lapiroisme, Hymne de dissidence, no be so ? Ouais ! Ouais ! Lapiroisme, Hymne funèbre des orphelins, no be so ? Yes ! Yes ! Gee me chance make I shake ma skin, Makossa dei me for foot ! Dégagez ! Dégagez ! J’ai envie de danser le makossa. Gee me road make I shake ma kongolibon! Makossa dei me for head ! Mouf me de make I shake ma waist, Makossa dei me for lass ! Put me for dong make I shake ma banja, Makossa dei me side by side ! Bukulu ! Bukulu ! Saka ! Saka ! Dansez! Dance! Ku yi rawa ! Lapiro, CPDM pet peeve, oye ! Lapiro, Mbiya’s nightmare, oye ! Lapiro de Mbanga, tête brulée, oye ! Lapiro Ndinga Man, oye ! Lapiro ! Albatros de Popol, oye ! © vakunta 2010

CAM-TOK Oyibo pass we for gramma, We pass dem for Camfranglais! For Ngola, You wan tchop, You go daso tok sei: Massa, I wan dammer. For we own kondre, You wan axe youa kombi sei: Bo’o, wheti you di fia sef? You go daso tok sei: Capo, tu fia même quoi, non? Na so dis we own langua dei. Mukala pass we wit Fransi, We pass dem wit Cameroonese, Driver wan tok sei, Dis moto no get book, Yi go daso tok sei: L’homme, dis jalopi na clando. You wan tok for youa small brother sei: Mek we go, you daso tok sei: Petit, vient on go. Na so dis we own Camerounisme dei. Yoruba dem pass we wit O káàrò! We pass dem wit Cameroonianism. You wan tok for youa friend sei, You wan baratiner some nga, You go daso tok sei: Tara, I wan tchatcher da moumie. Na so dis we own tchat dei. Spanish pipo dem, Pass we wit Hola! We pass dem for Camerounais. You want tok sei: Dis akwara done drink ma mimbo free of charge, You just tok sei, Mola, da mbock done sule ma jobajo njoh. Na so dis we own LINGO dei. German pipo dem, Pass we wit Guten Morgen! We pass dem for Majunga Tok. You wan tok sei, Dis shumbu foolish taim no dei, You daso tok sei, Dis tara na popo moumou. Na so Majunga Tok dei. Swedish pipo dem Pass we wit God morgon! We pass dem wit Pidgin! If you sleep for upside, Youa friend axe you sei, Massa, na which side you nang today? You go tell yi sei, Mbombo, I done nangaboko aujourd’hui. Na so Kam-Tok dei. Italian dem Pass we wit Buon giorno! But we pass dem wit Camspeak. You wan tok sei, Dis woman na ma njumba, You go daso langua sei: Dis titi na ma deuxième bureau. Na so Camspeak dei. Russian dem, Pass we wit Dobroye utro! We pass dem wit Camfranglais. You wan tell youa oyibo friend sei: I am going to give this police officer a bribe, You go daso gist yi sei: Massa, I wan tchoko da mange-mille. Na so dis we own tori dei. Zulu dem, Pass we wit Umhlala gahle! We pass dem wit à tout casser tok. You wan tok sei: Da katika di mek daso hop eye, You go daso tok sei: Da djintete di mek na daso siscia. Na so tok for Camer dei. Na some tete for long crayon be tok sei, “When in Rome do like the Romans”. From for dat no, I tok ma own sei: When in the Cameroons, Tok as the Camers do! Lef da yeye Nasara langua! © vakunta 2009